Монгол Улсын Ерөнхийлөгчийн 2012 оны 153 дугаар зарлигаар Өмнөговь аймгийн Хүрмэн суманд орших Говь гурван сайхан уулын Их тахилгат хайрхныг төрийн тахилгатай 9 дэх хайрхан болгосон билээ.

Төрийн тахилгатай уул овооны тэнгэрийг тайх тахилгын ёслолын журмын дагуу төрийн тахилгын ёслолыг 5 жил тутамд үйлддэг ба жил бүр орон нутаг уламжлалын дагуу ёс уламжлалаа хүндэтгэн лам хуврагууд уул ус, тэнгэр хангайгаа аргадан ном хурж, сүсэгтэн олон даган баясаж тахиж ирсэн.
Энэ жил 2025 оны 06 дугаар сарын 20-нд тахилгын арга хэмжээ зохион байгуулагдана.
Тэнгэрийн хишиг, газрын өгөөж тэгш сайхан дэлгэрэх болтугай.